Má bjóða þér í partý? við dönsum bara og syngjum við tónlistina á efri hæðinni.
Brjálað partý hjá útlendingunum fyrir ofan okkur þó þau syngi akkúrat núna að þetta sé the lonliest day of their life. Já þó það hafi nú oft verið partý hjá eigendunum á undan þessum þá jafnast ekkert af því við þetta partý. Ónei, ég heyri tónlistina ónveju hátt niður, bassinn ætlar að sprengja húsið og allir að syngja og hoppa þannig að ég get ekki hlustað á mína eigin tónlist. En þetta eru þó ágæt lög svo ég lifi. Liggur þó við farin að dansa hérna með, finn stemminguna alveg niður í okkar íbúð.

Ég var svo heppin að vera að vinna í kvöld svo ég missti af Júróvision. Á fimmtudeginum var þó komið með sjónvarp á bautann fyrir starfsfólkið og horft var á svo við Mæja bjuggumst við að svo væri líka í kvöld en það var nú því miður ekki en við kláruðum þó mjög snemma okkar verk miðað við vanalega og fórum um 10 leitið heim.Ég væri nú samttil í að vita hvaða lög lentu í 1., 2., og 3. sæti ef þið gætuð sagt mér það?
Já, svo frétti maður að það hefði ekki munað nema 12 stigum að Eiríkur hefði komist áfram. Svo við lentum í 13 sæti allt þessum fáranlegu austurlanda þjóðum að kenna sem tróðu sér inní þessa keppni og kjósa hvor aðra alveg sama hversu hræðilega leiðinleg lögin þeirra eru. Okei ég er orðin bitur hérna. Nei allavega fylgdist maður ávallt með Júróvision þegar maður var yngri en núna komumst við ekki uppúr forkeppninni og munum eflaust aldrei gera svo þetta er lítt gaman núna.

Ég er komin með hugmynd af svo ógeðslega flottri peysu sem ég er búin að hanna í huganum að mig er farið að dauðlanga til að sauma hana og þá helst NÚNA. En ég þarf að finna töff efni. Íunn var svo að biðja mig um að sauma fyrir sig peysu/bol eða hvað sem þetta er eins og ég saumaði og hannaði sjálf fyrir ekki svo löngu, svo kannski fer maður að sauma meira og þá líka fyrir aðra og græða e-ð smotterí á því. Það væri allavega virkilega næs því þetta er það sem mig langar að vinna við að hluta allavega.

Red hot cili peppers komnir á fóninn, ég kvarta sko alls ekki.
ahh þeir slökktu á þeim.

Ég er orðin fíkill á fata-, skartgripa- og skósíður á netinu þar sem maður bíður uppí hlutina. Er búin að kaupa þónokkuð og á von á ógeðslega flottri flík á næstunni. Held reyndar að ég þurfi aðeins að fara slaka á svo launin mín fari ekki öll í þetta í hverjum mánuði. Langar að safna mér fyrir vespu sem ég verð ekki lengi að safna mér fyrir ef ég eyði peningunum ekki af óþarfa. Svo þarf maður að fara leggja visst inn á mánuði því ég er svo sannarlega búin að finna draumabílinn og það er sko ekki mustang lengur heldur Dodge Charger SRT8. Nett fallegur bíll sem ég stefni á að kaupa 18 ára að aldri enda smá dýr. Vil samt helst fá hann 17 ára en ég klessi hann eflaust nýkomin með bílprófið. Já svona mikla trú hef ég á mér. Hah en hörku vinnumaður verð ég að vera til að uppfylla drauma mína.

Ég held ég fari bara að horfa á mynd til að þreyta mig heldur betur mikið svo ég sofni einhverntíman útfrá tónlistinni.

Komment væri vel þegið, bless

stelpa: ertu að labba heim til þín
ég: já
stelpa: hvar áttu heima?
ég: þarna í gulu blokkinni en þú?
stelpa: í Langholti
ég: okei
stelpa: þú getur sko labbað niður hérna og beygt svo heim til þín
ég: já, ég veit
stelpa: hvað ertu gömul? ertu í 9. bekk?
ég: já, hvernig vissiru? hvað ert þú gömul?
stelpa: Ég veit það ekki alveg ...ég er bara svo gáfuð *fliss* ég er í fjórða bekk
ég: okei
þögn ..bros
ég: ég ætla að labba hér niður, bless
stelpa: bææ

Ótrúlega lítil og sæt stelpa, dökk á lit, svart hár og ótrúlega sæt bleik föt sem hún klæddist. Svo talaði hún líka ótrúlega blítt og sætt.
Það þurfti ekki meira til að gleðja mig, ég var við það að knúsa hana bless.

Ég stefni á Grenivík og Krókinn eftir samrændu þegar fólk hefur tíma til að hitta mig, aldeilis sniðug hugmynd?